Maharashtra News Media सच की आवाज
*पाटणसावंगीत दिवसाढवळ्या तीन ठिकाणी चोरी
रोख,सोन्याचे दागिने,व टिव्ही लंपास*
मुख्य संपादक – किशोर ढूंढेले
पाटणसावंगी – घरी कुणीही नसल्याचे पाहून अज्ञात चोरांनी दोन ठिकाणाहून रोख व सोन्याचे दागिने तर त्याच रात्री एका घरुन टी व्ही चोरुन नेल्याची घटना २७ डिसें ला येथे घडली.
येथील वार्ड नंबर ५ मधील दिलीप हरिहर कामडी हे आपल्या संपूर्ण परिवारासह घराला कुलूपबंद करुन नातेवाईकाकडे कार्यक्रमाला गेले सायंकाळी घरी परत आले असता त्यांना घराचे तुटलेले कुलूप,संपूर्ण सामान अस्तव्यस्त व कपाटातील रोख व सोन्याचे दागिने मिळून ३ लाख २० हजाराचा माल चोरीला गेला.
त्याचप्रमाणे वार्ड नं २ मध्ये राहणाऱ्या सुखदेव शेंडे हे पण घर कुलूपबंद करुन परिवारासह बाहेर गेले असता सायंकाळी परत आल्यानंतर त्यांना घरातील सामान फेकलेले व कपाटात ठेवलेले १० हजार रोख चोरी गेल्याचे दिसले.
त्याचरात्री मनीष कोहळे यांच्याकडे चोरीच्या उद्देशाने गेलेय चोरांना काहीही न मिळाल्याने त्यांनी घरातील सॅमसंग कंपनी ची ५० हजार रुपयाची टी व्ही चोरुन नेली.तिघांनीही अज्ञात चोरांविरुद्ध पोलिसात तक्रार केली असून सहाय्यक पोलीस निरीक्षक निशांत फुलेकर तपास करीत आहे.
