*अवैद्यरित्या हातात तलवार घेऊन दहशत निर्माण करणाऱ्या आरोपीला कन्हान पोलीसांनी पकडले.* *आरोपी विरुद्ध गुन्हा दाखल करुन सुचना पत्रावर सोडण्यात आले*

*अवैद्यरित्या हातात तलवार घेऊन दहशत निर्माण करणाऱ्या आरोपीला कन्हान पोलीसांनी पकडले*

*आरोपी विरुद्ध गुन्हा दाखल करुन सुचना पत्रावर सोडण्यात आले*

कन्हान प्रतिनिधि – ॠषभ बावनकर

कन्हान : – कन्हान पोलीस स्टेशन अंतर्गत २ किलो मीटर अंतरावर हरिहर नगर कांन्द्री येथे आरोपी प्रदीप उर्फ गोलु देवानंद हा विनापरवाना अवैधरित्या हातात तलवार धारदार शस्त्र घेऊन लोकांमध्ये दहशतीचे वातावरण निर्माण होईल अश्या स्थितीत मिळुन आल्याने कन्हान पोलीसांनी आरोपीला ताब्यात घेऊन गुन्हा दाखल करुन ही कारवाई करण्यात आली आहे.

प्राप्त झालेल्या माहिती नुसार गुरुवार (दि.३) जुन २०२१ ला रात्री १०:१० ते १०:४५ वाजता च्या सुमारास आरोपी प्रदीप उर्फ गोलु देवानंद वय २७ वर्ष राहणार काटोल हा हरीहर नगर कांन्द्री कन्हान येथे सार्वजनिक ठिकाणी हरीहर चौकात स्वत जवळ धारधार शस्त्र तलवार घेऊन गुन्हा करण्याचा उद्देशाने विनापरवाना अवैधरित्या लोकांमध्ये दहशतीचे वातावरण निर्माण होईल अश्या स्थितीत मिळुन आल्याने कन्हान पोलीसांनी पकडुन सदर प्रकरणी सरकार तर्फे पोहवा खुशाल रामटेके पो स्टे कन्हान यांचे रिपोर्ट वरुन पोलीस स्टेशन कन्हान येथे आरोपी प्रदीप उर्फ गोलु देवानंद याच्या विरुद्ध कलम ४, २५ भारतीय हत्यार कायदा सहकलम १३५ मपोका कायदान्वये गुन्हा दाखल करून आरोपीस सुचना पत्रावर सोडण्यात आले. सदर कारवाई कन्हान पोलीस स्टेशनचे पोलीस निरीक्षक अरूण त्रिपाठी यांच्या मार्गदर्शनात पोलीस हवलदार खुशाल रामटेके पुढील तपास करीत आहे .