Maharashtra News Media सच की आवाज
*जमिनीच्या जुन्या वादातुन भांडण करून मारहाण एक गंभीर जख्मी*
*कांद्री येथे एका इसमाला जिवानिशी मारण्याचा प्रयत्न*
*फिर्यादींच्या तक्रारी वरुन कन्हान पोलीसांनी पाच आरोपी विरुद्ध गुन्हा दाखल करुन पुढील तपास सुरू केला*
कन्हान प्रतिनिधि – ॠषभ बावनकर
कन्हान : – कन्हान पोलीस स्टेशन अंतर्गत कांन्द्री येथे जमीनी च्या मालकी हक्काबाबत जुन्या वादातुन पाच आरोपींनी फिर्यादी च्या डोक्यावर हातोडी व लोंखंडी पाईपाने जिवानिशी ठार मारण्याचा उद्देशाने ५ ते ६ वेळा मारुन गंभीर जख्मी केल्याने फिर्यादीच्या तोंडी बयाणा वरून कन्हान पोलीसांनी पाच आरोपी विरुद्ध गुन्हा दाखल करून पुढील तपास सुरू केला आहे.
प्राप्त झालेल्या माहिती नुसार सोमवार दिनांक.१४ जुन २०२१ ला सायंकाळी ६:०० ते ६:३० वाजता च्या दरम्यान दिपक हरिभाऊ पोटभरे वय ५३ वर्ष राहणार कांन्द्री वार्ड क्रमांक.६ हा आपल्या मुलासोबत आंबे घेण्याकरिता कांन्द्री बस स्टाॅप येथे गेले असता त्या दरम्यान आरोपी १) देवेंन्द्र पोटभरे व २) नरेंन्द्र पोटभरे राहणार.कांन्द्री वार्ड क्रमांक.६ हे तिथे गेले व देवेंन्द्र पोटभरे याने फिर्यादी दिपक हरिभाऊ पोटभरे यास म्हटले कि “तुम्ही दोघे नवरा बायको आमच्याकडे घुरावुन पाहत जाऊ नका” असे म्हटले व त्याच्या जवळ असलेल्या लोखंडी हातोडीने दिपक पोटभरे च्या डोक्यावर जिवानिशी ठार मारण्याचा उद्देशाने ५ ते ६ वेळा मारुन अश्लिल शब्दात शिवीगाळ करून “तुला जानसे मारुन टाकतो” असे म्हटले. त्या नंतर आरोपी २) नरेन्द्र पोटभरे याने देवेंन्द्र पोटभरे च्या हातुन तिच हातोळी घेवुन दिपक पोटभरे यास मारहाण केली. सदर घटनास्थळी आरोपी ३) सुरेन्द्र पोटभरे, ४) रामकृष्ण पोटभरे ५) सौ इंद्रावती पोटभरे सर्व राहणार. कांन्द्री वार्ड क्रमांक.६ हे येवुन आरोपी सुरेन्द्र पोटभरे याने फिर्यादी दिपक पोटभरे च्या हातावर व पायावर लोखंडी पाईपाने मारहाण केली. यावेळी दिपक पोटभरे चा भाऊ प्रकाश पोटभरे हा त्यास सोडविण्याकरिता आला असता त्याला सुद्धा आरोपी सुरेन्द्र पोटभरे याने पाठीवर व हातावर मारहाण केली आणि आरोपी ४) रामकृष्ण पोटभरे व ५) सौ इंद्रावती पोटभरे यांनी ” नेहमीच किटकिट आहे आज तुम्हाला खतमच करायच आहे ” अशी धमकी देत आरोपी सौ इंद्रावती पोटभरे हिने फिर्यादी दिपक पोटभरे याच्या गालावर हातबुक्कीने माराहण केली. अशा प्रकारे पाच आरोपींनी बेकायदेशीर जमावाची मंडळी जमवुन फिर्यादी दिपक हरिभाऊ पोटभरे यास जिवानिशी मारण्याचा उद्देशाने लोखंडी हातोडी व लोखंडी पाईपानी मारून गंभीर जख्मी केल्याने परिस्थिति चिंताजनक असल्याने फिर्यादी दिपक हरिभाऊ पोटभरे यास उपचारार्थ नागपुर दवाखान्यात उपचारार्थ दाखल करण्यात आले. सदर प्रकरणी फिर्यादी दिपक हरिभाऊ पोटभरे यांचे तक्रारी वरून कन्हान पोलीस स्टेशन ला आरोपी विरुद्ध कलम ३०७, १४३, १४७, १४८, १४९, २९४, ५०६ भादंवि नुसार गुन्हा नोंद करून तपासात घेत आरोपीचा शोध घेणे सुरु असुन गुन्ह्याचा पुढील तपास कन्हान पोलीस स्टेशनचे पोलीस निरीक्षक अरुण त्रिपाठी यांचा मार्गदर्शनात सपोनि सतीश मेश्राम हे करीत आहे.
