*नांदगाव बखारी राख तलावाच्या पंप हाऊस चे ट्रान्सफार्मर चोरी* *फिर्यादी यांच्या तक्रारी वरुन कन्हान पोलीसांनी अज्ञात आरोपी विरुद्ध गुन्हा दाखल करून पुढील तपास सुरू केला*

*नांदगाव बखारी राख तलावाच्या पंप हाऊस चे ट्रान्सफार्मर चोरी*

*फिर्यादी यांच्या तक्रारी वरुन कन्हान पोलीसांनी अज्ञात आरोपी विरुद्ध गुन्हा दाखल करून पुढील तपास सुरू केला*

कन्हान प्रतिनिधि – ॠषभ बावनकर

कन्हान : – खापरखेडा औष्णिक विद्युत केंद्रातुन निघणाऱ्या जळालेल्या कोळसा राखे करिता पेंच नदी काठालगत नांदगाव बखारी च्या परिसरात नवनिर्मित राख तलावाच्या पंप हाऊस येथे लावलेले ट्रान्सफार्मर अज्ञात आरोपीने चोरी करून नेल्याने कन्हान पोलीसांनी फिर्यादी यांचा तक्रारी वरुन अज्ञात आरोपी विरुद्ध चोरीचा गुन्हा दाखल करून पुढील तपास सुरू केला आहे .

प्राप्त झालेल्या माहिती नुसार राजु गोविंदा ढोरे वय ४३ वर्ष राहणार. केटीपीएस काॅलोनी कोराडी हे खापरखेडा पाॅवर प्लाॅंट येथे अतिरिक्त अभियंता म्हणुन काम पाहत असुन त्यांचे कंत्राटी पद्धतीने ट्रान्सफार्मर नांदगाव-बखारी खापरखेडा औष्णिक विद्युत केंद्राच्या नवनिर्मित राख तलाव येथील पंप हाऊस ला लावले होते.

बुधवार दिनांक. ३ नोव्हेंबर सायंकाळी ६ वाजता ते रविवार दिनांक.७ नोव्हेंबर ला दुपारी १२ वाजता दरम्यान नांदगाव- बखारी येथील पंप हाऊस मध्ये लावलेले विद्युत ट्राॅन्सफार्मर कोणीतरी अज्ञात आरोपीने चोरून नेल्याचे सुपरवाइ जर यांनी फोन करून राजु ढोरे यास सांगितल्याने घटनास्थळी जाऊन पाहणी केली असता तेथे बसविलेले तीन ट्रांसफार्मर पैकी दोनचे बुशिंग पडलेले दिसले व त्यातील तांब्याचे वायर दिसले नाही आणि ट्रांसफार्मर दिसला नसल्याने कोणीतरी अज्ञात आरोपीने ट्रांसफार्मर किंमत ७०,००० रुपयाचे चोरून नेल्याने कन्हान पोलीस स्टेशनला फिर्यादी राजु गोविंदा ढोरे यांच्या तक्रारी वरून कन्हान पोलीसांनी अज्ञात आरोपी विरुद्ध कलम ३७९ भादंवि अन्वये गुन्हा दाखल करून गुन्ह्याचा पुढील तपास कन्हान पोलीस स्टेशनचे पोलीस निरीक्षक विलास काळे यांच्या मार्गदर्शनात पोलीस नाईक राहुल रंगारी हे करीत आहे.