*कल्पेश बावनकुळे हत्याकांड प्रकरणाचे सर्व आरोपी ४८ तासात अटक करा , अन्यथा उग्र आंदोलन – प्रकाश भाऊ जाधव* *कन्हान परिसरात व ग्रामीण भागा मध्ये रात्रीची पोलीस ग्रस्त नियमित करून बोरडा चौकात सी.सी. टीव्ही कॅमरे , पोलीस चौकी लावण्याची मागणी* *माजी खासदार प्रकाश भाऊ जाधव यांच्या नेतृत्वात शिवसेना आणि संताजी ब्रिगेड तेली समाज महासभा पदाधिकार्यांचे उपविभागीय पोलीस अधिकार्यांना निवेदन*

*कल्पेश बावनकुळे हत्याकांड प्रकरणाचे सर्व आरोपी ४८ तासात अटक करा , अन्यथा उग्र आंदोलन – प्रकाश भाऊ जाधव*

*कन्हान परिसरात व ग्रामीण भागा मध्ये रात्रीची पोलीस ग्रस्त नियमित करून बोरडा चौकात सी.सी. टीव्ही कॅमरे , पोलीस चौकी लावण्याची मागणी*

*माजी खासदार प्रकाश भाऊ जाधव यांच्या नेतृत्वात शिवसेना आणि संताजी ब्रिगेड तेली समाज महासभा पदाधिकार्यांचे उपविभागीय पोलीस अधिकार्यांना निवेदन*

कन्हान प्रतिनिधि – ॠषभ बावनकर

कन्हान : – कांद्री – कन्हान परिसरातील बोर्डा मार्गा ने बनपुरी घरी परत जाणाऱ्या कल्पेश बावनकुळे याची अज्ञात युवकांनी धारदार शस्त्रानी सपासप वार करुन निर्दयीपणे हत्या केल्याने कन्हान शहर व ग्रामिण भागात भयंकर भितीचे वातावरण निर्माण झाले असुन कन्हान पोलीसांनी आतापर्यंत हत्यारांचा शोध न लावल्याने माजी खासदार प्रकाश भाऊ जाधव यांच्या नेतृत्वात शिवसेना आणि संताजी ब्रिगेड तेली समाज महासभा च्या शैकडो पदाधिकार्यांनी उपविभागीय पोलीस अधिकारी मुख्तार बागवान यांची भेट घेऊन या गंभीर विषयावर चर्चा करुन तसेच एक निवेदन देऊन
हत्या करण्याऱ्या आरोपीतांना ४८ तासाच्या आत अटक करून कन्हान व ग्रामिण भागात रात्रीला नियमित पोलीस ग्रस्त करून नागपुर बॉयपास चारपदरी महामार्गावरील बोर्डा रोड चौकात पोलीस चौकी व सीसीटीव्ही कॅमरे त्वरित लावण्याची मागणी केली आहे . अन्यथा उग्र आंदोलना चा इशारा देण्यात आला आहे . बुधवार (दि.१४) सप्टेंबर ला रामटेक लोकसभा शिवसेना माजी खासदार मा.प्रकाश भाऊ जाधव यांच्या नेतृत्वाखाली शिवसेना रामटेक विधानसभा संघचक प्रेम रोडेकर व संताजी ब्रिगेड तेली समाज महासभा महाराष्ट्र राज्याचे प्रदेश उपाध्यक्ष महेंन्द्र भुरे यांच्या नेतृत्वात शिवसेना पदाधिकारी व तेली समाजा चा संयुक्त शिष्टमंडळाने कन्हान विभाग कन्हान चे उपविभागीय पोलीस अधिकारी मुख्तार बागवान हयाना शिष्टमंडळा ने भेटुन चर्चा करित निवेदन देऊन शनिवार (दि.१०) सप्टेंबर २०२२ च्या मध्यरात्री कल्पेश भगवान बावन कुळे, रा बनपुरी यांची काही अज्ञात युवकांनी धारदार शस्त्रानी सपासप वार करुन निर्दयीपणे निर्घृण हत्या केली. परंतु आज चौथा दिवस उजाळुन ८५ तास झाले तरी हत्येचे आरोपी अटक करण्यास पोलीस प्रशासनाला अद्याप यश न आल्याने बनपुरी , कांद्री , कन्हान व ग्रामिण परिसरात चांगलेच भिंतीचे वातावरण निर्माण होऊन तेली समाजात आणि नागरिकात पोलीस प्रशासना विरूध्द तीव्र रोष निर्माण होत आहे. यास्तव कांद्री ते नगरधन रोड व नागपुर बॉयपास चारपदरी महामार्गा वरील बोर्डा रोड चौक ते कन्हान नदी पुला पर्यंत तसेच कन्हान शहर व ग्रामिण भागात रात्री ला पोलीस ग्रस्त (पेट्रोलिंग) नियमित वाढविण्यात यावी . आणि राष्ट्रीय चारपदरी बॉयपास महामार्ग वरिल बोर्डा चौकात सी.सी.टीव्ही कॅमेरे व पोलीस चौकी त्वरित लावण्यात यावी. अशी मागणी करून कल्पेश बावणकुळे च्या मारेकऱ्यांना ४८ तासात अटक करा , अन्यथा तेली समाज संपुर्ण महाराष्ट्रात रस्त्यावर उग्र आंदोलन करेल व उदभवणाऱ्या परिस्थितीची सर्वशी जवाबदारी पोलीस प्रशासनाची राहिल अशा इशारा सुध्दा यावेळी देण्यात आला. यावेळी उपविभागीय पोलीस अधिकारी मुख्तार बागवान साहेबांनी कांद्री नगरधन व बोरडा चौक ते कन्हान नदी पुला पर्यंत रात्रीची पोलीस ग्रस्त, पेट्रोलिंग आज रात्री पासुन सुरू करण्याची हमी दिली व बोर्डा चौकात सीसीटीव्ही कॅमेरे आणि चौकी लावण्याबाबत वरिष्ठ अधिकारी सोबत चर्चा करून माहिती देण्याचा व कल्पेश च्या हत्याऱ्यांना लवकरात लवकर शोध करून अटक करण्याचे आश्वासन दिले.

या प्रसंगी रामटेक लोकसभा क्षेत्राचे माजी खासदार मा प्रकाश भाऊ जाधव , प्रेम रोडेकर , दिलीप राईकवार , प्रभाकर बावने , रूपेश सातपुते , पुरुषोत्तम येनेकर , गोविंद जुनघरे , नरेंद्र खडसे , प्रविण गोडे , अनिल ठाकरे , लल्लण कुशवाह , मनोज मेश्राम , बल्ला यादव , विजय बोरकर , संताजी ब्रिगेड तेली समाज महासभा महाराष्ट्र राज्याचे प्रदेश उपाध्यक्ष नरेश भोंदे , रवि घावडे , विजय बावनकुळे , सुरेश पारधी , प्रभाकर सावरकर , नंदु घावडे , प्रमोद देशमुख , शुभम घावडे , विठ्ठल बावनकुळे , दिलिप देशमुख , मोहन धांडे , अनिल बारई , आशिष बावनकुळे , नितिन लेंडे सह आदि नागरिक मोठ्या संख्येत प्रामुख्याने उपस्थित होते.