*उच्चशिक्षित दाम्पत्याची दोन मुलांसह आत्महत्या* *धीरज राणे रायसोनी कॉलेज आॅफ इंजीनियरिंग मध्ये प्रोफेसर व पत्नी सुषमा धंतोली येथील हॉस्पिटलमध्ये कार्डियोलोजिस्ट डॉक्टर होती* 

*उच्चशिक्षित दाम्पत्याची दोन मुलांसह आत्महत्या*

*धीरज राणे रायसोनी कॉलेज आॅफ इंजीनियरिंग मध्ये प्रोफेसर व पत्नी सुषमा धंतोली येथील हॉस्पिटलमध्ये कार्डियोलोजिस्ट डॉक्टर होती* 

नागपुर विशेष प्रतिनिधि

नागपूर/कोराडी : उच्चशिक्षित दाम्पत्याने आपल्या दोन मुलांसह आत्महत्या केली. अंगावर शहारा आणणारी ही घटना आज मंगळवारी कोराडीतील ओमनगरात घडली. प्रा. धीरज राणे (४२), डॉ. सुषमा धीरज राणे (३८), धृव (११) आणि लावण्या (६) अशी मृतांची नावे आहेत.

धंतोली येथील हॉस्पिटलमध्ये कार्यरत असलेल्या कार्डियोलॉजिस्ट डॉक्टर सुषमा आणि रायसोनी कॉलेज आॅफ इंजीनियरिंग येथे प्रोफेसर असलेले त्यांचे पती धीरज राणे यांनी मुलगा धृव वय ११ वर्ष आणि मुलगी लावण्या वय वर्षे ६, या दोन चिमुकल्यांसकट आत्महत्या केल्याने परिसरात एकच खळबळ माजली आहे. आत्महत्येचे कारण अद्याप अस्पष्ट आहे.

ही घटना नागपुर – कोराडी रोड जवळ ओमनगरमध्ये एक धक्कादायक घटना घडली आहे. डॉक्टर पत्नीने प्राध्यापक पती व दोन मुलांची हत्या करून आत्महत्या केल्याने सारेच हादरले आहेत. एका सुखी कुटुंबाचा असा करूण अंत झाल्याने परिसरावर शोककळा पसरली आहे.

प्राध्यापक पती, मुलगा व मुलीला इंजेक्शन देऊन ठार मारल्यानंतर डॉक्टर पत्नीने स्वत: गळफास घेऊन आत्महत्या केली. ही धक्कादायक घटना कोराडीतील ओमनगर येथील जगनाडे ले-आऊट येथे आज दुपारी उघडकीस आली. एकाच कुटुंबातील चौघांच्या मृत्यूने उपराजधानी नागपूर मध्ये खळबळ उडाली आहे.

धीरज डिंगाबर राणे (वय ४२), त्यांच्या पत्नी डॉ. सुषमा धीरज राणे (वय ३९), मुलगा ध्रुव धीरज राणे (वय ११), मुलगी लावण्या ऊर्फ वण्या धीरज राणे (वय ५) , अशी मृतकांची नावे आहेत. धीरज राणे हे वानाडोंगरीतील रायसोनी अभियांत्रिकी महाविद्यालयात संगणक विभागाचे विभाग प्रमुख तर डॉ. सुषमा या धंतोलीतील अवंती हॉस्पिटलमध्ये कार्यरत होत्या.

राणे दाम्पत्याकडे धीरज यांच्या आत्या प्रमिला (वय ६५) या राहतात. दुपार झाल्यानंतरही चौघे खोलीतून बाहेर न आल्याने प्रमिला यांनी धीरज यांना आवाज दिला. त्याला प्रतिसाद मिळाला नाही. त्यानंतर प्रमिला यांनी आरडा-ओरड केली असता शेजारी जमले. एका शेजाऱ्याने सुषमा यांचे भाऊ रितेश सिंग यांना माहिती दिली. माहिती मिळताच ते ओमनगर येथे आले. दरम्यान एका नागरिकाने पोलीस नियंत्रण कक्षाला कळविले. पोलीस नियंत्रण कक्षाने कोराडी पोलिसांना कळविले. माहिती मिळताच पोलीस उपायुक्त निलोत्पल, कोराडी पोलीस स्टेशनचे वरिष्ठ पोलिस निरीक्षक वजीर शेख यांच्यासह पोलिसांचा ताफा तेथे पोहोचला.

खोलीचा दरवाजा उघडताच समोरचं दृष्य पाहून सारेच हादरले. धीरज, ध्रुव व लावण्या या तिघांचे मृतदेह पलंगावर पडलेले आढळले तर बाजूलाच पंख्याला डॉ. सुषमा या गळफास लावलेल्या स्थितीत पोलिसांना दिसल्या. पोलिसांनी तातडीने पंचनामा करून चौघांचे मृतदेह मेयो हॉस्पिटलकडे रवाना केले. तूर्त कोराडी पोलिसांनी याप्रकरणी आकस्मिक मृत्यूची नोंद करून तपास सुरू केला आहे. राणे कुटुंबातील चौघांच्या मृत्यूचे वृत्त कळताच नातेवाइकांनी ओमनगर येथे धाव घेतली. सुखी कुटुंबातील चौघांचा एकाच वेळी मृत्यू झाल्याने परिसरात हळहळ व्यक्त करण्यात येत आहे.

दरम्यान, डॉ. सुषमा राणे यांनी पती व मुलांची हत्या करून आत्महत्या का केली, याचे कारण अद्याप स्पष्ट झालेले नाही. पोलीस याबाबत अधिक तपशील गोळा करत आहेत. घटना घडली तेव्हा आत्या प्रमिला या घरात होत्या. त्यांच्याकडून काही महत्त्वाची माहिती मिळण्याची शक्यता आहे.