Maharashtra News Media सच की आवाज
*उत्तरप्रदेश वरून आलेला ३१ टन धान पकडला*
*खाद्य विभागाची कारवाई, ट्रक सह एकुण २,८०१४०० रूपयाचा मुद्देमाल जप्त*
कन्हान प्रतिनिधि – ॠषभ बावनकर
कन्हान : – पारशिवनी तालुक्यातील डुमरी शिवारातील सरकारी खरेदी केंद्र येथे उत्तरप्रदेश वरून आलेला ३१ टन धान पकडला. ही कारवाई खाद्य विभागाच्या अधिकाऱ्यांनी करीत ट्रक व धानाचे बोरे सह एकुण २,८०१४०० रूपयांचा मुद्देमाल जप्त केला असुन ट्रक ला कन्हान पोलीस स्टेशन च्या स्वाधिन केला आहे.
प्राप्त झालेल्या माहिती नुसार शुक्रवार दिनांक.२८ जानेवारी ला सायंकाळी ४ ते ७ वाजता दरम्यान अधिकाऱ्यांना गुप्त माहिती मिळाल्याने जिल्हा कृषी अधिकारी पोहचले असता सदर प्रकरण खाद्य विभाग अंतर्गत येत असल्याने खाद्य विभागाचे अधिकारी डी.डी. कोंगे, सहायक डीएमओ वामन पोंगले, कांद्री ग्रामपंचायत उपसरपंच श्यामकुमार बर्वे, तहसिलदार प्रशांत सांगडे, कृषी अधिकारी चंद्रकांत देशमुख सह शेतकरी घटनास्थळी पोहचले असता व्यकंटेश वाकलपुडी यांची शेती जी डुमरी स्टेशन ते मेंहदी रोड वर असुन त्या शेती मध्ये अंदाजे २,००० ते ३,००० मेंटन गोदाम बांधकाम करण्यात आलेली आहे. सदर गोदाम पारशिवनी तालुका सहकारी खरेदी विक्री संस्था पारशिवनी यांनी भाडे वर धान खरेदी केंद्रा करिता घेतले आहे. सदर अधिकारी गोदाम जवळ गेले असता तेथे ट्रक क्रमांक युपी ७२ ऐटी ३१८८ धानाच्या पोत्या भरून ट्रक उभा होता तेव्हा आजु बाजुच्या शेतकरी बांधवांना विचारणा केली असता कोणी काही सांगितले नाही. अधिकाऱ्यांनी ट्रक चालक अब्दुल रफीक यांना विचारणा केली असता त्यांनी सांगितले कि ट्रक सुलतानपुर युपी बाईपास वरूण भरण्यात आला असुन आर्डर प्रमाणे नागपुर येथे जाण्यास सांगितले. आणि मनसर ला पोहचल्या वर ९४२२१०२०३९ या नंबर वर फोन करून माल कोठे उतरवायचा सांगण्यात आलल्याने सदर माल हा सुलतानपुर उत्तरप्रदेश येथुन आणल्याचे ट्रक चालका ने सांगितले. खाद्य विभागाचे अधिकारी घटनास्थळी पोहचले असता ट्रक मधील धान बोरे उतरविणे प्रथम बंद केले. असता ५५ ते ५८ बोरे उतरवुन गोदाम मध्ये ठेवण्यात आले होते व बाकी सर्व बोरे ट्रक मध्येच थांबविण्यात आले. ट्रक चालकाने सांगितले की, सुलतान पुर वरून ३१ टन धान बोरे आणले आहे. सदर ट्रक मध्ये अंदाजे २८,५०० में टन धान साठा भरून आहे. त्यानंतर अधिकाऱ्यांनी गोदामाची तपासणी केली असता ट्रक मधुन उतरविले ५५ ते ५६ धान बोरे गोदाम मध्ये आढळुन आले. तसेच इतर खरेदी विक्री केलेले एकुण अंदाजे ११५२२.६६ क्विंटल धान तपासणी दरम्यान आढळुन आले. गोदामाची तपासणी करीत असतांना शहाजी भांडवलकर, शेखर राऊत, सचिन गजानन घोडमारे आदी सह खरेदी विक्री केंद्र अध्यक्ष सुरेशराव भगत हे उपस्थित होते. सदर कारवाई दरम्यान संपुर्ण गोदामाची तपासणीत असे लक्षात आले कि हा ट्रक आणि धाना सह शासकीय धान खरेदी विक्री केंद्रावर डुमरी येथे अधिकृत विक्री करीता आणि शासकीय अनुदान कापण्याचा उद्देशाने आणला होता. या बाबत खाद्य विभागाच्या अधिकाऱ्यांनी ट्रक किंमत अंदाजे २२,००, ००० व ३१ टन धान बोरे किंमत अंदाजे ६०,१४०० असा एकुण २८,०१, ४०० रूपयाचा मुद्देमाल जप्त करून ट्रक ला कन्हान पोलीस स्टेशन च्या स्वाधिन करण्यात आला आहे.
ही जी कारवाई करण्यात आली ही शेतकऱ्यांच्या दुष्टीने महत्वाची असुन कारवाई पुर्णत: व्यवस्थित करून दोषीवर कठोर शिक्षा करण्यात यावी. अशी मागणी परिसरातील शेतक-यांनी केली आहे.
