Maharashtra News Media सच की आवाज
*गोंडेगाव कॉलोनीत साठ हजाराची घरफोडी*
*फिर्यादी यांच्या तक्रारी वरुन कन्हान पोलीस स्टेशन ला अज्ञात आरोपी विरुद्ध गुन्हा दाखल*
कन्हान प्रतिनिधि – ॠषभ बावनकर
कन्हान : – कन्हान पोलीस स्टेशन अंतर्गत वेकेलि गोंडेगाव कॉलोनी येथील रहिवासी प्रदीप प्रफुल बारई हे आपल्या परिवारासह पश्चिम बंगाल येथे गेले होते. परत आल्यावर त्याच्या घराचे कुलुप तोडुन अज्ञात आरोपीने घरफोडी करून चार तोळे सोने, टि.व्ही, घडयाळ, शेगडी व नगदी अशा एकुण साठ हजार रुपयांचा मुद्देमाल चोरून नेल्याने कन्हान पोलीसांनी फिर्यादी यांचा तक्रारी वरुन अज्ञात आरोपी विरुद्ध गुन्हा दाखल करून पुढील तपास सुरु केला आहे .
वेकोलि गोंडेगाव कॉलोनी येथील रहिवासी प्रदीप प्रफुल बारई हे दिनांक.१० ऑक्टोंबर २०२१ ला आपले गावी पश्चिम बंगाल येथे कार्यक्रमासाठी परीवारासह गेले होते. मंगळवार दिनांक.१ फेब्रुवारी २०२२ ला रात्री ९.३० वाजता आपले घरी परत आले असता त्याचे घराचे कुलुप तुटून होते. आत पाहिले असता आलमारीत ठेवलेले सोन्याचे जुने वापरलेले दागिने ४ तोळे किमत ४८००० रूपए व घरातील टी. व्ही, घडयाळ, शेगळी अंदाजे किंमत ७००० रू व नगदी १५००० रू असा एकुण ६०,००० रूपयाचा मुद्देमाल कोणीतरी अज्ञात चोराने चोरून नेला असावा . अश्या फिर्यादी प्रदीप बारई यांचे तोंडी तक्रारी वरून व मा पोनि विलास काळे यांचे आदेशाने अपराध.क्रमांक ४३/२०२२ कलम ४५४, ४५७, ३८० भादंवि अन्वये गुन्हा नोंद करून पुढील तपास सफो गणेश पाल हे करित आहे
