*धर्मराज मध्ये चिमुकल्यांनी साकारले माती कलेतुन गणपती* *मातीकलेतुन ४९ गणेश मुर्तीची निर्मिती*

*धर्मराज मध्ये चिमुकल्यांनी साकारले माती कलेतुन गणपती*

*मातीकलेतुन ४९ गणेश मुर्तीची निर्मिती*

कन्हान प्रतिनिधि – ऋषभ बावनकर

कन्हान : – परिसरातील धर्मराज प्राथमिक शाळेतील चिमुकल्या विद्यार्थ्यांनी मातीकलेतुन श्री गणेशाच्या मुर्तीची निर्मिती केली.
शिक्षणासोबतच कला कार्यानुभव याची विद्यार्थ्यांना ओळख व्हावी व सुप्तगुणाची जाणीव करण्यासाठी उपक्रमशील शिक्षक श्री अमीत मेंघरे यांच्या संकल्पनेतुन आमचा बाप्पा किती गोड हा उपक्रम वर्ग पहिली ते चौथीच्या विद्यार्थ्यांसाठी राबविण्यात आला. या उपक्रमांतर्गत ४९ चिमुकल्या विद्यार्थ्यांनी विविध आकारात व रूपात श्री गणरायाची मुर्ती साकारत आम्ही सुद्धा कलेचे उपासक असल्याचे सिद्ध केले आहे.
मंगळवार ला झालेल्या छोटेखानी प्रदर्शनीत या गणेश मुर्ती ठेवण्यात आल्या होत्या. याचे निरीक्षण मुख्याध्यापक श्री खिमेश बढिये व शिक्षिका शारदा समरीत यांनी केले. या मातीकलेत प्रथम क्रमांक आयुष मारबते (वर्ग ४ था), द्वितीय क्रमांक भुपेंद्र वानखेडे (वर्ग २ रा), तृतीय क्रमांक पिहु गिऱ्हे (वर्ग ४ था), चतुर्थ क्रमांक प्रनिधी नेवारे (वर्ग १ ला) यांनी पटकाविला. यावेळी सहभागी सर्व विद्यार्थ्यांचे शाळेच्या वतीने अभिनंदन करण्यात आले. कार्यक्रमाच्या आयोजनासाठी धर्मराज प्राथमिक शाळेचे मुख्याध्यापक श्री खिमेश बढिये , उपक्रमाचे आयोजक श्री अमीत मेंघरे , श्री भिमराव शिंदेमेश्राम , श्री राजु भस्मे , श्री किशोर जिभकाटे , सौ चित्रलेखा धानफोले , कु शारदा समरीत , कु हर्षकला चौधरी , कु अर्पणा बावनकुळे , कु प्रिती सुरजबंसी , वैशाली कोहळे , कु. कांचन बावनकुळे यांनी सहकार्य केले.