*नागपूर जबलपूर महामार्गावर भीषण अपघातात एक पोलीस शिपाई व अन्य एक ठार* 

*नागपूर जबलपूर महामार्गावर भीषण अपघातात एक पोलीस शिपाई व अन्य एक ठार* 

*तीन गंभीर जखमी*

रामटेक प्रतिनिधी- ललित कनौजे

रामटेकः शिवणी (मध्य प्रदेश)कडून सवारी भरून येत असलेल्या बोलेरो गाडी ने मरारवाडी फाट्या वर पवणीकडून नागपूरला जाणाऱ्या अल्टो 800 ला जोरदारपणे धडक दिली .ज्यात एक पोलीस शिपाई व एक अन्यजागीच ठार झाला. आणि तीन जणांना गंभीर अवस्थेत नागपूरला पाठवण्यात आले.

 सविस्तर माहिती खुमारी ते चोरबहुली दरम्यानच्या भागात नेहमी राष्ट्रीय महामार्गावर वाहतूक शाखेच्या पोलीसांचा वसुलीसाठी ठिय्याच या भागात असतो . सकाळी 10 वाजताच्या सुमारास शिवणी कडून येत असणाऱ्या बोलेरो क्रमांक -M.P-20-T-9124 ने पथरई वरून नागपूर ला जात असलेल्या पी.गजेंद्र वय 65 क्वालिटी कंट्रोल इन्स्पेक्टर ओरडीनेंस फ्याक्टरी नागपूर यांना मरारवाडी फाट्यावर जोरदार धडक मारली त्यामुळे अल्टो गाडीचा ताबा सुटून रस्ता दुभाजकावर बसून नाश्ता करत असणाऱ्याचा अंगावरून पलटी मारून गेली.ज्यात सेवारत पोलिस कर्मचारी रितेश भोपरे वय 32 मु.दिघोरी,नागपूर यांचा जागीच मृत्यू झाला. आणि त्याच्या सोबतीला बसलेला पप्पू पाली मु.खुमारी याचाही दवाखान्यात नेत असताना रस्त्यात मृत्यू झाला.
> अल्टो 800 मध्ये बसलेल्या छाया पी.गजेंद्र आणि मेहुनी ज्योती जैस्वाल मु.यवतमाळ हे दोघेही गंभीरपणे या अपघातात जखमी झाले.
> जखमींना नागपूर ला उपचारासाठी पाठविण्यात आले आहे. अपघातासाठी जबाबदार शशी असाराम कावळे,वय-23 राहणार खवासा,मध्य प्रदेश या बोलेरो चालकास अटक करण्यात आली असून विविध कलमांखाली गुन्हा दाखल करण्यात आला आहे पुढील तपास रामटेक पोलिस करीत आहेत